Kalli Jerin Jihohi Goma da sukafi Kowane Tattalin Arziki a Najeriya wanda Idan Babu su Babu Najeriya.
Kalli Jerin Jihohi Goma da sukafi Kowane Tattalin Arziki wanda Idan Babu su Babu Najeriya.
Najeriya tana da jihohi 36, amma akwai wasu jihohi da suka fi shahara ta fuskar tattalin arziki, yawan jama’a, noma, kasuwanci da albarkatun ƙasa. Ga jerin manyan jihohi goma da dalilan da suka sanya su a wannan matsayi:
1. Legas
Jihar Legas ita ce cibiyar kasuwanci ta Najeriya. Tana da tashar ruwa mafi girma a kasar, kuma tana ɗauke da kamfanoni da masana’antu da dama. Haka zalika kuma tana da yawan jama’a fiye da kowace jiha wannan shine ya bashi daman zuwa ta farko a cikin wannan jerin.
2. Kano
Kano ita ce jiha mafi yawan jama’a a Arewa. Tana da karfin kasuwanci, musamman a ɓangaren fata, auduga, da noman kayan abinci. Tana da tsohuwar kasuwa irin su Kasuwar Kantin Kwari da Dawanau da sauransu, hakan shine ya bashi daman zuwa ta biyu.
3. Rivers
Wannan jiha na daga cikin jihohin da ke samar da man fetur da iskar gas. Har ila yau, tana da masana’antu da tashoshin jiragen ruwa da ke taimakawa tattalin arziki kasa wanda hakan shine yasa aka ayyanashi na uku.
4. Kaduna
Kaduna tana da matatar mai, masana’antu, da kuma cibiyoyin ilimi irin su Jami’ar Ahmadu Bello da makarantu na soja. Hakanan, tana da babban kasuwar shanu a Zaria da Giwa.
5. Oyo
Jihar Oyo na da tarihi mai zurfi a harkar ilimi da siyasa. Tana da jami’ar farko a Najeriya (University of Ibadan) kuma tana da filayen noma da suka haɗa da gonakin roba da koko.
6. Delta
Delta tana da arzikin man fetur, gas, da kuma yawon bude ido. Hakanan, tana da wasu daga cikin manyan kamfanonin mai irin su Chevron da Shell.
7. Borno
Duk da rikice-rikicen da suka faru a baya, Borno na da mahimmanci a Arewa saboda yawan gonakin hatsi da kiwo. Tana da iyaka da ƙasashen Chadi, Nijar, da Kamaru, wanda ke taimaka wa cinikinta.
8. Ogun
Wannan jiha tana da masana’antu da dama, musamman a ɓangaren siminti, kayan gini, da robobi. Hakanan, tana kusa da Legas, wanda ke taimaka mata wajen kasuwanci.
9. Akwa Ibom
Akwa Ibom na daga cikin jihohin da ke da arzikin man fetur. Tana da kyakkyawan tsarin birane da filin jirgin sama mai kyau.
10. Anambra
Jihar Anambra ita ce cibiyar kasuwanci a yankin kudu maso gabas. Tana da masana’antun sarrafa kayan masarufi da kasuwannin duniya irin su Onitsha Market.
Wadannan jihohi sun samu matsayinsu ne saboda albarkatun ƙasa, kasuwanci, noma, masana’antu da kuma yawan jama’a da ke zaune a cikinsu.
